د طالبانو ویاند ذبیح الله مجاهد اعلان کړی، چې کابل ته د دیپلوماتانو او بهرنیو پلاویو وروستی سفر د دې ښکارندوی دی چی دا ډله په پراخه کچه منل شوې دي. د طالبانو ویاند په یوه پیغام په ایکس کې لیکلي چې په دې وروستیو کې کابل له یو شمېر ډیپلوماټیکو استازو او بهرنیو استازو سره لیدلي دي. مجاهد زیاته کړه چې په دغو کې له طالب چارواکو سره د اسلامي همکاریو د سازمان د مرستیال او ورسره ملګري پلاوي او همدارنګه د روسیې، مالیزیا، قزاقستان، ترکمنستان او اروپايي ټولنې د ډیپلوماټانو لیدنه د پام وړ ده. هغه ادعا وکړه چې د طالبانو تر واک لاندې افغانستان اوس له سیاسي او اقتصادي پلوه د پرمختګ په حال کې دی.