د افغانستان په چارو کې د روسیې ځانګړي استازي ضمیر کابلوف د طالبانو له سیاسي مرستیال مولوي عبدالکبیر سره کتلي او ویلي یې دي چې مسکو غواړي په دغه سازمان کې د افغانستان څوکۍ طالبانو ته وسپاري. د چهارشنبې په ورځ (د ثور پنځمه) د طالبانو له خوا د ضمیر کابلوف له قوله اعلان شوی چې مسکو غواړي په ملګرو ملتونو کې د افغانستان څوکۍ د طالبانو استازي ته وسپاري. د افغانستان لپاره د روسيې ځانګړي استازي د داعش د ځپلو او له نشه يي توکو سره د مبارزې په برخه کې د طالبانو د هڅو ستاينه وکړه او د دواړو هېوادونو ترمنځ يې د اړيکو پر پراختيا او د همکاريو پر دوام ټينګار وکړ.