د معمار پرس د خبر له مخې؛ د افغانستان د فوټسال ملي لوبډلې د اسیا د ملتونو جام سیالیو په کوارټر فاینل پړاو کې د تاجکستان ملي لوبډلې څخه ماتې وخوړه او له دې سیالیو بهر شوه. د افغانستان د فوټسال ملي لوبډله نن (چهارشنبه د ثور ۵) د کابل پر وخت ۱۱:۳۰ بجې د اسیا د ملتونو جام په کوارټر فاینل کې له تاجکستان سره مخامخ شوه. په دې لوبه کې افغان لوبډلې په اضافي وخت کې د تاجکستان پر وړاندې ۲-۱ ماتې وخوړه او په دې ونه توانید چې بل پړاو ته لار ومومي. له دې سره افغان لوبډله ونه توانېده چې د فوټسال نړیوال جام ته لار پیدا کړي. د یادولو وړ ده چې دا د اسیا د فوټسال په سیالیو کې د افغانستان لومړی ځل دی.