د امریکا د بهرنیو چارو وزیر انتوني بلینکن د ایران د توغندیو او بې پیلوټه الوتکو د بریدونو په غبرګون کې د اسرائیلو د وروستیو یرغلونو او په دمشق کې د ایران پر کونسلګرۍ د اسرائیلي رژیم د وروستي برید په غبرګون کې وویل: متحده ایالات له ایران سره د کړکیچ په لټه کې نه دي. بلینکن د یوې بیانیې په خپرولو سره ټینګار کړی چې واشنګټن د ایران برید په کلکو ټکو غندي. هغه زیاته کړه: که څه هم موږ له ایران سره د کړکېچ د زیاتولو په لټه کې نه یو، خو موږ به د اسرائیلو د دفاع ملاتړ ته دوام ورکړو. او لکه څنګه چې ولسمشر بایډن څرګنده کړه، موږ به د متحده ایالاتو پرسونل دفاع وکړو. د امریکا د بهرنیو چارو وزیر دا هم ویلي چې موږ به په راتلونکو ساعتونو او ورځو کې په سیمه او نړۍ کې د امریکا متحدینو او شریکانو سره سلا مشورې وکړو.