د معمار پرس د راپور له مخې، د طالبانو مشر ملا هیبت الله اخندزاده د اختر په مناسبت په خپل پیغام کې ویلي دي چی په «امارت» کې د تفرقې او تبعیض ځای نشته. د طالبانو مشر ملا هبت‌الله زیاته کړه: “که په ناحقه د یو چا وینه توی شي، موږ ټول مسؤل یو.” ملا هبت الله زیاته کړه، چې دغه ډله د شریعت تطبیق ته لومړیتوب ورکوي او د هغې سره سم د عدالت احکام، حدود او شرعي سزاګانې پلي کیږي. په همدې حال کې د نړۍ هېوادونو، د بشري حقونو سازمانونو او ملګرو ملتونو په پرله پسې ډول د طالبانو له خوا په عام محضر کې د وهلو ټکولو او اعدامول غندلي دي.