د معمار پرس د خبر له مخې؛ د طالبانو د ریل پټلۍ ریاست د یوې بیانیې په خپرولو سره دغه خبر ورکړی دی چی د دې ادارې د مشر بخت الرحمن شرافت او د ازبکستان د اورګاډي د ادارې د مرستیال حکمت الله رحمت اوف ترمنځ په کتنه کې موافقه وشوه چې تاشکند به له افغانستان سره د اورګاډي د ټرانسپورټ تعرفه ۵۰ فیصده راکمه کړي. د دې اعلامیې له مخې ازبکستان غواړي د اورګاډي د ټرانسپورټي تعرفې په کمولو سره د افغانستان د اورګاډي له لارې د مالونو د لېږد رالېږد زیات کړي. دا بیانیه زیاتوي: “ازبیکستان به په شمال کې د حيرتان اورګاډي په لاره کې د مېوو او سبزیجاتو د ذخیره کولو لپاره مجهز ځای جوړ کړي.”