د معمار پرس د خبر له مخې؛ په کابل کې د پاکستان د سفارت شارژدافیر عبیدالرحمن نظاماني وايي، کابل ته د پاکستاني پلاوي سفر بریالی و او دواړو خواوو د ګډو ګټو د خوندي کولو او د دوه اړخیز تجارت د اسانتیاوو په اړه موافقه وکړه. په کابل کې د پاکستان د سفارت شارژدافیر زیاته کړه: افغانستان او پاکستان موافقه وکړه چې د ګډو ګټو په برخه کې کار وکړي او د یو بل ترمنځ د دوه اړخیزه سوداګرۍ او ترانزیټ اسانتیاوې برابرې کړي. باید وویل شي، چې تېره ورځ د افغانستان په خوست او پکتیا ولایتونو کې د اسلام اباد له هوايي بریدونو وروسته د پاکستاني چارواکو یوه پلاوي کابل ته سفر وکړ.