د معمار پرس د خبر له مخې؛ د کډوالو او راستنیدونکو چارو وزارت په دې وروستیو کې له ایران څخه د اسلام قلعه بندر له لارې ۱۵۴۸ تنه او د تورخم له لارې ۴۸۱ تنه نور افغان کډوال هېواد ته راستانه شوي دي. د اسلامي امارت د مهاجرینو او راستنیدونکو چارو وزارت مطبوعاتي دفتر د یوې خبرپاڼې په خپرولو سره ویلي چې ۱۵۴۸ راستنیدونکي د اسلام کلا له لارې افغانستان ته او ۴۸۱ راستنیدونکي د تورخم له لارې افغانستان ته داخل شوي دي. د کډوالو چارو وزارت زیاته کړه چې د کډوالو د ستونزو د هواري د کمېټو له خوا له پاکستان سره پر پوله پر یو شمېر راستنو شویو کورنیو نغدي او خوراکي توکي وېشل شوي دي.