د معمار پرس د خبر له مخې؛ په کابل کې د ایران ځانګړي استازي او سفیر حسن کاظمي قمي په تېر حکومت کې د ملي مصالحې د عالي شورا له مشر عبدالله عبدالله سره وکتل. عبدالله عبدالله پر خپله ایکس پاڼه لیکلي چې په دې کتنه کې د هېواد او سیمې پر روانو مسایلو خبرې وشوې. تر دې مخکې په کابل کې د ایران سفیر چابهار ته د افغان سوداګریز پلاوي د سفر په اړه ویلي وو چی د افغانستان سوداګریز او اقتصادي پلاوي چابهار ته د خپل سفر په ترڅ کې د سوداګریزو، استوګنیزو او اداري پروژو د تطبیق په برخه کې د ۳۵ میلیونو ډالرو پانګونې پیل وکړ