ترکیه په پام کې لري چې د روان میلادی کال تر پایه افغانستان ته د ریل پټلۍ له لارې بشري مرستې ولېږدوي.
د معمار پرس د خبر له مخې؛ د ترکیې ولسمشر رجب طیب اردوغان د دغه هېواد د اورګاډي ادارې ته امر کړی چې له ترکیې څخه افغانستان ته د اورګاډي له لارې بشري مرستې ولېږدوي. ترکي رسنۍ وايي، دغه هېواد پرېکړه کړې چې د روان میلادی کال تر پايه به د ايران او ترکمنستان له لارې افغانستان ته مرستې ولېږدوي. په همدې حال کې د اوچا د راپور پر بنسټ په ۲۰۲۴ کال کې په افغانستان کې ۲۳.۷ میلیونه خلک بشري مرستو ته اړتیا لري.