د اورګاډي له لارې افغانستان ته د تركيې د بشري مرستو لېږل

د معمار پرس د خبر له مخې؛ د ترکیې ولسمشر رجب طیب اردوغان د دغه هېواد د اورګاډي ادارې ته امر کړی چې له ترکیې څخه افغانستان ته د اورګاډي له لارې بشري مرستې ولېږدوي. ترکي رسنۍ وايي، دغه هېواد پرېکړه کړې چې د روان میلادی کال تر پايه به د ايران او ترکمنستان له لارې افغانستان ته مرستې ولېږدوي. په همدې حال کې د اوچا د راپور پر بنسټ په ۲۰۲۴ کال کې په افغانستان کې ۲۳.۷ میلیونه خلک بشري مرستو ته اړتیا لري.