د معمار پرس د خبر له مخې: د طالبانو د حکومت د رسنیو د ارزونې او سرغړونې کمیسیون د قومي او ژبني تعصباتو د غوړولو، د اتباعو د هویت د نه مراعاتولو او د جعلي خبرونو خپرولو او داسې نورو په خاطر د “افغانستان انټرنیشنل” رسنیو فعالیتونه بند کړل. دغه کمیسیون دغه راز له ټولو خبریالانو او کارپوهانو وغوښتل چې د افغانستان له انټرنیشنل راډیو او ټلویزیون سره همکاري ونه کړي. دغه کمیسیون له خلکو هم وغوښتل چې د دغه خبري چینل له خپرونو بایکاټ وکړي او غوږ ورته ونه نیسي.