د کانونو او پټرولیم وزارت سرپرست حکومت اعلان کړ چی د افغانستان د کانونو او نفتو وزیر شهاب الدین دلاور د ټاپي پروژې له اجرایوي رییس محمد مراد امانوف سره په کتنه کې په کابل کې د ترکمنستان له سفیر “خواجه عوض اف” سره وکتل او د سیمې او نړۍ له هېوادونو سره د سیاسي، اقتصادي او امنیتي اړیکو ټینګښت او پراختیا د افغانستان له لومړیتوبونو څخه وګڼله او ټینګار یې وکړ چې د ټاپي پروژې د تطبیق پر وړاندې هیڅ خنډ نشته. د کانونو او پټرولیم وزارت د خبرپاڼې له مخې، د ټاپي پروژې پرمختګ او په دې پروژه کې د هراړخیزې همغږۍ لپاره د یوې کاري ډلې جوړول په کابل کې د غونډې له مهمو موضوعاتو څخه وو. په افغانستان کې دا پروژه له کندهار، فراه، هلمند او هرات ولایتونو څخه تېرېږي، چې ډېری یې په تېرو وختونو کې ناامنه وو. د دې پروژې په پلي کېدو سره به زرګونه کسانو ته د کار د زمينې د برابرولو ترڅنګ، افغانستان به د ترانزيټ له لارې په کلني ډول له ٤٠٠ ميليونو ډالرو څخه زيات عايد ترلاسه کړي.