د معمار پرس د خبر له مخې: د طالبانو د سرپرست حکومت اداري مرستیال عبدالسلام حنفي نن د ۲۰۹ الفتح قول اردو له قومندان رحمت الله محمد اکا سره په لیدنه کې وویل چی “امنیت د پرمختګ اساس دی، او هیڅ ټولنه به د امنیت له احساس پرته سوکالي ترلاسه نه کړي.” طالبانو د لومړي مرستیال په خبرپاڼه کې ویل شوي چې په دې کتنه کې ملا رحمت الله محمد اکا د بلخ ولايت د امنيتي وضعيت او د دغه قول اردو د امنيتي ځواکونو د دندو په باب رپوټ وړاندې کړ او د ښاریانو د امنیت د تامین لپاره د هڅو ډاډ ورکړ. د طالبانو د حکومت ځینو چارواکو له دې مخکې هم امنیت او ثبات د هېواد د پرمختګ لپاره مهم بللی او د هېوادوالو د امنیت پر تامین یې ټینګار کړی دی.