د طالبانو د سوداګرۍ او صنایعو وزارت سرپرست نن د سوداګرۍ او ترانزیټ د اسانتیاوو په هدف ایران ته سفر وکړ.
د معمار پرس د خبر له مخې؛ د طالبانو د حکومت د صنعت او سوداګرۍ وزارت سرپرست نورالدین عزیزي نن چهارشنبه د یوه لوی اقتصادي او سوداګریز پلاوي په مشرۍ د ایران سیستان او بلوچستان ولایت ته سفر وکړ. “د دواړو هېوادونو ترمنځ د اقتصادي همکاریو د امکاناتو ارزونه او اسانتیاوې” په غونډه کې ګډون او د ایران او افغانستان ترمنځ د سوداګریزو او ټرانزیټي اړیکو د پراختیا په اړه سلا مشورې، په سیستان باندې تمرکز، د دغه سفر له موخو څخه دي.