د طالبانو د رسنیز مرکز دفتر کابل ته د پاکستان د دیني عالمانو د دویم پلاوي د سفر خبر ورکړی دی. دغه پاکستاني پلاوي د سه شنبې په ورځ «د حوت ۸مه» د طالبانو د صدراعظم له سیاسي مرستیال مولوي عبدالکبیر سره وکتل. تر اوسه کابل ته د دغه پاکستاني پلاوي د سفر د هدف په اړه څه نه دي ویل شوي. شاوخوا دوه میاشتې وړاندې د پاکستان د جمعیت علمای اسلام د مشر مولانا فضل رحمان په مشرۍ یوه پلاوي کابل ته سفر کړی و. پاکستان ادعا کوي چې طالبانو د TTP جنګیالیو ته خوندي پټنځایونه ورکړي او په دغه هیواد کې بریدونه پلانوي او ترسره کوي. خو طالبانو تل دا ادعاوې رد کړې دي.