د معمار پرس د خبر له مخې؛ د افغانستان د اقتصادي کمېسیون غونډه د اقتصاد وزارت د مرستیال ملا عبدالغني برادر په مشرۍ جوړه شوه. په دې غونډه کې، د لوګر د عینک د مسو کان د پراختیا لپاره نوی پلان او د هغه د ځمکې لاندې کان د بیړنۍ استخراج پیل د چینایي شرکت MCC لخوا وړاندیز شوی. اقتصادي کمیسیون دغه پروجکت د کانونو او پټرولیم وزارت په مشرۍ بین المللي کمیټې ته دنده وسپارله چې له قراردادي شرکت سره تخنیکي ناسته وکړي او خپل راپور اقتصادي کمیسیون ته وړاندې کړي. په دې غونډه کې د کانونو او پټرولیم وزارت د قشغري د تېلو او ګازو بند د قرارداد د وضعیت په اړه هم د ارزونې راپور وړاندې کړ. دغه راپور له ارزونې وروسته تصويب شو او د کانونو او پټروليم وزارت په مشرۍ بين المللي کميټې ته دنده وسپارل شوه چې د تېلو د تصفيې د کارخانې د جوړولو لپاره د پانګوالو د جلبولو لپاره کار وکړي.