د معمار وحدت د خبری آژانس د خبر له مخې؛ د سرپرست حکومت د بهرنیو چارو وزارت ویاند عبدالقهار بلخي تېره شپه (د عقرب ۷مه) یوه بیانیه خپره کړه او ویې ویل: د سرپرست حکومت د اقتصادي مرستیال ملا برادر او د امریکا د امنیت شورا د سلاکار جیک سلیوان ترمنځ د لیدنې په اړه راپورونه اوازې دي.

دا په داسې حال کې ده چې یو شمېر لویدیځو رسنیو خبر ورکړی چې د ملا برادر په مشرۍ یو اماراتي پلاوی به په نږدې راتلونکي کې په دوحه کې د ملي امنیت له سلاکار جیک سلیوان سره وګوري.

د حزب اسلامي مشر ګلبدین حکمتیار هم ویلي، چې د امریکا او اماراتو ترمنځ خبرې ښايي د چین او روسیې اندېښنو زیاته کړي.

په اعلامیه کې راغلي: “د بهرنیو چارو وزارت دغه راپورونه افواهات ګڼي او اشخاصو او رسنیو ته لارښوونه کوي چې دا ډول خپلسري، بې بنسټه او ناسمو راپورونو ته اعتبار ورنکړي او د خلکو د اندېښنو لامل نه شي.”