د معمار وحدت د خبري اژانس د راپور له مخې، دغه وزارت د جمعې په ورځ (د سرطان ۱۰) د یوې خبرپاڼې په خپرولو سره ویلي چې د دغه وزارت ځانګړي استازي توماس ویسټ په قطر کې د طالبانو له پلاوي سره وکتل.

د اعلامیې پر بنسټ، توماس ویسټ د جون په ۲۹ او ۳۰ د امریکا د بهرنیو چارو، مالیې او د امریکا د بهرنیو چارو وزارتونو او د نړیوالې پراختیا اداره (USAID) د لوړ پوړو چارواکو په ګډون د یوه لوړ پوړي امریکايي پلاوي په مشرۍ د قطر پلازمېنې دوحې ته سفر وکړ. او د طالبانو پلاوي د طالبانو د بهرنیو چارو د سرپرست وزیر امیرخان مطیع په مشرۍ په بېلابېلو موضوعاتو وکتل.

په دغه اعلاميه کې ويل شوي دي چې امريکايي چارواکو د طالبانو له پلاوي سره په کتنه کې په افغانستان کې د القاعدې، د داعش د خراسان څانګې او نورو تروريستي سازمانونو د شتون په اړه اندېښنه څرګنده کړه.

اعلامیه زیاتوي چې د طالبانو پلاوي یو ځل بیا ژمنه وکړه چې هېڅ ډلې ته به اجازه ورنه کړي چې د افغانستان له خاورې څخه د نورو هېوادونو له خوا ګواښل کېږي.

د امریکا د بهرنیو چارو وزارت ویلي، چې په دې کتنه کې دواړو لورو د افغانستان د مرکزي بانک د ۳،۵ میلیارده ډالرو په اړه هم خبرې وکړې، څو دغه پیسې د افغانستان اتباعو ته ورسول شي.

د دې اعلامیې له مخې، د امریکايي پلاوي او طالبانو ترمنځ د خبرو پر مهال د طالبانو له خوا د افغان ښځو او نجونو پر حقونو د بندیزونو لګول او پراخول د امریکايي چارواکو د توجه اصلي موضوع وه.

ویل شوي چې امریکا د افغانانو د غوښتنو ملاتړ کوي څو نجونې بېرته ښوونځيو ته ولاړې شي او ښځې وکولای شي کار وکړي، د هېواد په اقتصادي وده کې ونډه واخلي او ازاد تګ راتګ وکړي.

په اعلامیه کې ټینګار شوی چې د نجونو د حقونو ساتنه د امریکا او طالبانو ترمنځ د اړیکو له عادي کېدو سره ښکاره اړیکه لري.

د دغې اعلامیې له مخې امریکايي پلاوي او طالبانو له نشه‎يي توکو سره د مبارزې او په راتلونکي کې له طبیعي پېښو سره د مقابلې لپاره د چمتووالي په اړه د نظر تبادله وکړي.