د معمار پرس د خبر له مخې؛ د افغانستان لپاره د ایران د ولسمشر ځانګړي استازي حسن کاظمي قمي ویلي، چې د طالبانو د لومړي وزیر مرستیال ملا عبدالغني برادر ته د ایران هرکلي د افغان ملت پر وړاندې د هغه هېواد د “ورورګلوۍ” څرګندونه ده. د ولسمشر استازي او په افغانستان کې د ایران سفیر د دې لیدنې په غبرګون کې په ټولنیزه شبکه “ټویټر” کې لیکلي: “هغه څه چې ایران د ملا برادر په مشرۍ د اقتصادي پلاوي د سفر په ترڅ کې ثابت کړل، په یوه کلمه کې د یوه ګاونډي او د سیمه ییزې ډلې د غړي په توګه د افغان ملت پر وړاندې د ورورګلوۍ څرګندونه وه.”