د معمار پرس د خبر له مخې د افغانستان د ملي غورځنګ مشر او د طالبانو یو مخالف عبدالرشید دوستم ویلي، د دغې ډلې د ماتولو لپاره د لویدیځ سیاسي ملاتړ ته اړتیا لري. هغه له رولینګ سټون رسنیو سره په مرکه کې ویلي چې که له ما سره مرسته وشي او طالبانو ته درس ورنکړم نو زما نوم به دوستم نه وي. هغه وویل: «طالبانو موږ دوکه کړل. له دوی سره باید په زوره چلند وشي. موږ امریکايي ټانکونو او الوتکو ته اړتیا نه لرو. موږ یوازې د دوی سیاسي ملاتړ ته اړتیا لرو. که زه پوه شوم او هغوی (طالبانو) ته درس ورنه کړم، نو زما نوم به دوستم نه وی.»