د پاکستان ولسمشر اصف علي زرداري په کانتون بنو کې د تروریستي برید غندنه کړې ده. نوموړي د يوې اعلاميې په خپرولو سره د پاکستان د امنيتي ځواکونو د کړنو ستاينه وکړه چې د زياتو تلفاتو مخه يې ونيوله. د معمار پرس د خبر له مخې؛ د پاکستان ولسمشر په کانتون بنو کې د تروریستي برید په غبرګون کې چې اته پوځیان پکې ووژل شو، د ترهګرۍ د له منځه وړلو ژمنه وکړه. ښاغلي زرداري د دغه برید د عاملینو د له منځه وړلو لپاره د پاکستان د ملت پر عزم ټینګار وکړ. حافظ ګل بهادر، چې د تحریک طالبان پاکستان یوې ډلې ته نږدې دی، چې له افغانستانه فعالیت کوي، د دغه برید مسوولیت پر غاړه اخیستی دی