د حماس وسله والې ډلې اعلان وکړ چې د شنبې په ورځ یې د میزان په ۱۵مه پر اسرائیلو ۵۰۰۰ توغندي توغولي دي. نن سهار (شنبه) د غزې تړانګې پولې ته څېرمه د صهیونیسټانو په ټولو میشت ځایونو او د تل ابیب په شمول په نورو نیواکګرو ښارونو کښې د مقاومت د ځواکونو له سختو راکټی او توغندوی حملو وروسته د خطر زنګونه واوریدل شول. د قدس د کنډکونو قوماندان محمد الضعیف د «الاقصی طوفان» عملیاتو د اعلانولو په ترڅ کښې ټینګار وکړ: د اشغال شویو ځمکو زړه ته د مقاومت د غړو له ننوتلو وروسته، موږ د جګړې حالت اعلانوو.