د طالبانو د بهرنیو چارو وزارت سرپرست مولوي امیرخان متقي په انقره کې د ترکیې د بهرنیو چارو له وزیر هاکان فیدان سره وکتل.
د معمار پرس د خبر له مخې؛ د طالبانو د بهرنیو چارو وزارت ویاند عبدالقهار بلخي نن سهار (د عقرب ۹مه) په خپله ټوېټر پاڼه لیکلي چې دواړو لورو پر دوه اړخیزو اړیکو، د ډیپلوماتیکو اړیکو د کچې پر لوړولو، د نویو سوداګریزو لارو او سیمه ییزو مسایلو په اړه خبرې وکړې. دواړو لوریو د دا ډول غونډو پر ترسره کولو او له یو بل سره پر همکارۍ ټینګار وکړ او د دا ډول غونډو د دوام هیله یې څرګنده کړه.