د برتانوي سیاستوالو له پراخو نیوکو وروسته د دغه هېواد د ولسي جرګې د دفاعي کمېټې مشر توبیاس الوډ له خپلې ټویټر پاڼې څخه هغه ویډیو لرې کړه چې په کې د افغانستان د سرپرست حکومت د لاسته راوړنو ستاینه شوې وه او هغه وویل چې د دې ویډیو خپرول یوه “غلط کار” وه. خو د بریتانیا د پارلمان د دفاعي کمېټې مشر یو ځل بیا په کابل کې د دغه هېواد د سفارت له پرانیستلو او له طالبانو سره د کار کولو دفاع وکړه. ده وويل چې د اروپايي ټولنې په څېر بريتانيا هم بايد په کابل کې حضور ولري او له افغان حکومت سره مستقیم خبرې وکړي.