د اقتصاد وزارت سرپرست دین محمد حنیف د ملګرو ملتونو له ځانګړي همغږي کوونکي فریدون سینیرلی اوغلو سره وکتل او د ملګرو ملتونو له خوا یې د افغانستان د بهرنیو اسعارو د زېرمو د خلاصون غوښتنه وکړه.
د معمار پرس د خبر له مخې؛ د طالبانو د اقتصاد وزارت نن چهارشنبه (د جوزا ۳۱مه) په خپله ټویټر پاڼه لیکلي چې دواړو لورو د طالبانو له حکومت سره د نړیوالې ټولنې د اړیکو پر پیاوړتیا او د اقتصادي وضعیت د ښه کېدو لپاره پر پراختیايي پروګرامونو د تمرکز په اړه خبرې وکړې.