د افغانستان د ولسي جرګې یوه پخواني غړي په دې وروستیو کې ادعا کړې وه چې د افغانستان د پخواني ولسمشر محمد اشرف غني دویم مرستیال سرور دانش له ده سره ۳۷ میلیونه ډالره بهر ته وړي دي.
د معمار پرس د خبر له مخې: د افغانستان د ولسي جرګې پخواني غړي عباس ابراهیم زاده په یوه پرانیستي لیک کې د افغانستان د ولسمشر پخوانی مرستیال سرور دانش له هېواده د ۳۷ میلیونه ډالرو په اخیستو تورن کړی دی. باید وویل شي، چې ښاغلي عباس ابراهیم زاده تر دې وړاندې هم یو شمېر افغان سیاستوال د تېر حکومت د سقوط په قضیه کې ښکېل کړي او د بډو اخیستو په تور یې تورن کړي دي.