د معمار پرس د خبر له مخې؛ د افغانستان په چارو کې د پاکستان ځانګړی استازی اصف علي خان درانی وايي چی د افغانستان لپاره د ملګرو ملتونو له خپلواک ارزونکي او د دغه سازمان له ځانګړي همغږي کوونکي فریدون سینیرلی‌اوغلو سره د افغانستان د ملي حاکمیت په رسمیت پېژندلو په اړه خبرې کړې دي. اصف دراني په خپل ټویټر لیکلي د ملګرو ملتونو له همغږي کوونکي سره د هغه د خبرو پر محور د طالبانو په رسمیت پیژندل، د تحریک طالبان پاکستان پناهځایونه، د ښځو حقونه، د بانکدارۍ محدودیتونه، کنګل شوې شتمنۍ او په افغانستان کې بشري ناورین شامل وو.