د بې پولې خبریالانو سازمان ویلي چې د افغانستان د سرپرست حکومت ځواکونو په تېرو لسو ورځو کې لږ تر لږه ۹ خبریالان نیولي دي.
د معمار پرس د خبر له مخې؛ د پنجشنبې په ورځ (د اسد ۲۷) د بې سرحده خبریالانو سازمان د یوې اعلامیې په خپرولو سره د افغانستان له سرپرست حکومت څخه د خبریالانو د بې قید او شرطه خوشې کیدو غوښتنه وکړه. دغه سازمان ویلي چې اوس ۱۲ خبریالان د طالبانو په بند کې دي او د هغوی د توقیف علت نه دی په ډاګه شوی.