د معمار پرس د خبر له مخې؛ په افغانستان کې د ملګرو ملتونو د مرستندویه پلاوي دفتر (یوناما) د هرات د خونړۍ زلزلې د کلیزې په مناسبت ویلي چې د هیواد عموما د ناورینونو سره مخ دی. یوناما د دوشنبې په ورځ (د اکتوبر ۷مه) په خپل X حساب کې اعلان وکړ چې ملګري ملتونه او همکاران یې د زلزلې له امله زیانمن شویو سلګونو زرو خلکو ته بشري مرستې چمتو کړي، مګر د ډیری خلکو اړتیاوې پوره نه دي. دغه سازمان ټینګار کړی، چې افغانستان د اقلیم د بدلون، بې وزلۍ او کمزورو زیربناوو په ګډون د بېلابېلو عواملو له امله له طبیعي پېښو ډېر زیانمن دی او د نړیوالې ټولنې لا زیاتو مرستو ته اړتیا لري. تېر کال د ریکټر په کچه د ۶،۳ درجې یوې زلزلې د هرات د زنده جان ولسوالۍ او څو نورې ولسوالۍ ولړزولې.