د طالبانو د مهاجرینو او راستنیدونکو چارو وزیر ټینګار کوي چې هر وګړی باید دیني او عصري علوم زده کړي.
د معمار پرس د خبر له مخې، د طالبانو د خبرپاڼې له مخې، د دې ډلې د حکومت د کډوالو او راستنېدونکو چارو وزیر خلیل الرحمن حقاني د پکتیا د عبدالله بن مسعود مدرسې د فراغت په مراسمو کې وویل چې “د ساینس له لارې، موږ کولای شو د هر ډول تیري په وړاندې د ځان دفاع وکړو.” په دې مراسمو کې ښاغلي حقاني د قران کریم حافظانو ته خطاب وکړ او ویې ویل: هر وګړی باید دیني او عصري علوم زده کړي تر څو یو باثباته افغانستان ولرو او د هر ډول تیري په وړاندې له خپل ځانه دفاع وکړو. د هغه په وينا، “د قرانکريم حفظ کول يو ستر فضيلت دى، خو د قرآن د نزول اصلي موخه پر هغه عملي کول او د شريعت او اسلام په لاره کې ژوند کول دي.”