د معمار پرس د خبر له مخې؛ د ترکمنستان د بهرنیو چارو وزیر څرګنده کړه چې په سیمه کې د امنیت د تامین لپاره باید د افغانستان له خلکو سره د هېواد د اقتصاد په بیارغونه او د بشري ستونزو په حل کې مرسته وشي. د ترکمنستان د بهرنیو چارو وزیر رشید مرادوف د ملګرو ملتونو د عمومي اسامبلې په ۷۹مه غونډه کې وویل چې د سیمې د امنیت لپاره د افغانستان له خلکو سره همکاري اړینه ده. د ترکمنستان د بهرنیو چارو وزیر له افغانستان سره د ټاپي، نوري فایبر او اورګاډي پټلۍ پروژو ته په اشارې سره زیاته کړه چې هېواد به یې له افغانستان سره بشري مرستو ته دوام ورکړي. د يادونې ده، چې د سنبلې په ٢١مه، په هرات کې د ټاپي اړوند د يو شمېر پروژو د جوړولو عملي کار پيل شو.