د معمار پرس د خبر له مخې؛ د افغانستان په چارو کې د پاکستان پخواني ځانګړي استازي اصف دراني د ملګرو ملتونو د ۷۱مې عمومي غونډې ترسره کېدو ته په اشارې سره ویلي چی په دې غونډه کې باید پاکستان نړیواله ټولنه وهڅوي چې له طالبانو سره تماس ونیسي. د افغانستان په چارو کې د پاکستان پخواني استازې د ایکس په یوه پوسټ کې لیکلي چې انزوا شوی افغانستان به د ترهګرو په پناه ځای بدل شي او د سپټمبر د ۱۱مې پېښې به تکرار شي. دراني تر دې مخکې ویلي وو، چې د سپټمبر د ۱۱مې په څېر بله حمله ښايي له افغانستانه رامنځته شي، ځکه نړۍ دغه جګړه ځپلی هېواد هېر کړی دی.