د ترکمنستان د بهرنیو چارو وزیر وايي، هېواد یې له افغانستان سره په ګډو پروژو کې له یو نیم میلیارد ډالرو ډېره پانګونه کړې ده.
د معمار پرس د خبر له مخې، د ترکمنستان د بهرنیو چارو وزیر رشید مردوف دغه څرګندونې د ترکمنستان او افغانستان ترمنځ د ګډو زیربنایي پروژو په اړه د معلوماتو د وړاندې کولو په غونډه کې وکړې چی د هغه هېواد غواړي له افغانستان سره سیاسي، اقتصادي، سوداګریزې، ترانسپورتي او ټرانزیټي اړیکې پراخې کړي. مردوف هند، پاکستان، نړیوالو بانکونو او د اسیا پراختیايي بانک ته بلنه ورکړه چې په ټاپي پروژه کې پانګونه وکړي.