د معمار پرس د خبر له مخې: د طالبانو د حکومت د اطلاعاتو او کلتور وزیر خیرالله خیرخواه په روسیه کې میشتو افغانانو سره په لیدنه کې ویلي دی چی د افغانانو ترمنځ یووالی د یو باثباته او سوله ییز افغانستان ضمانت کوي. ښاغلي خیرخواه دغه څرګندونې په روسیه کې له یو شمېر علماوو او افغانانو سره په کتنه کې وکړې چی د طالبانو حکومت د افغانستان د ملي کلتور پیاوړتیا ته ژمن دی. هغه د افغانانو ترمنځ پر یووالي د ټینګار ترڅنګ زیاته کړه، چې له پنځو لسیزو جګړو وروسته افغانستان یو پیاوړی مرکزي نظام لري او په هېواد کې امنیت، ثبات او د یووالي او برابرۍ فضا رامنځته شوې ده.