د معمار پرس د خبر له مخې: د قزاقستان، قرغزستان، ازبکستان، ترکمنستان او تاجکستان د هېوادونو مشرانو د قزاقستان په پلازمېنه استانه کې د جرمني له صدراعظم سره وکتل او د یوه سوله ییز او باثباته هېواد په توګه یې د افغانستان پر پراختیا ټینګار وکړ. په دې ګډه غونډه کې د دغو هېوادونو مشرانو هم په افغانستان کې د بشري وضعیت په اړه خبرې وکړې او د بشري حقونو په تامین او د مرستو پر دوام یې ټینګار وکړ. د يادونې وړ ده، چې د افغانستان د طالبانو د واکمنۍ له درې کالو څخه ډېر تېرېږي، خو تر اوسه هېڅ هېواد او يا نړيوال سازمان د دغې ډلې حکومت په رسميت نه دى پېژندلى.