د طالبانو د صنایعو او سوداګرۍ وزارت د هېواد د اقتصاد د پیاوړتیا په موخه په خپل وروستي اقدام کې په نړیواله کچه د افغانستان صادراتي توکو ته د بازار موندنې او معرفي کولو په اړتیا ټینګار کړی دی. د دغه وزارت د صنایعو او سوداګرۍ وزیر مولوي احمدالله زاهد د طالبانو د سوداګرو له مشرانو سره په کتنه کې د صادراتو د پراختیا لپاره د نویو بازارونو په پېژندلو او د بهرنۍ پانګونې پر جلبولو ټینګار وکړ. په همدې حال کې پر افغانستان د طالبانو له واکمنۍ سره د هېواد صادرات په بې ساري ډول کم شوي او د فقر او بېکارۍ د زیاتوالي له امله د خلکو اقتصادي وضعیت خراب شوی دی.