د معمار پرس د خبر له مخې: د طالبانو د حکومت د کابینې په غونډه کې د دې ډلې د اوبو او انرجۍ وزارت ته دنده وسپارل شوه چې د امو بحیرې د څنډو د ټینګولو لپاره پرېکنده اقدامات وکړي. د طالبانو د کابینې په غونډه کې چې پرون د دې ډلې د مرستیال محمد حسن اخند په مشرۍ جوړه شوه، د اوبو او انرجۍ وزارت ته دنده وسپارل شوه چی د امو بحر د څنډو د پياوړتيا لپاره بايد پرېکنده تدبيرونه ونيول شي او د دې سمندر د څنډو د تخريب مخه ونيسي.