د جاپان روغتیايي بنسټونو اعلان وکړ چې د توکیو او د هغې په شاوخوا سیمو کې د سږکال د جولای د میاشتې په ډیرو ورځو کې د بې ساري تودوخې څپې وروسته د تودوخې له امله له 120 څخه ډیر خلک مړه شوي. د جاپان د روغتیا وزارت په یوه بیانیه کې ویلي چې دا (د اګست ۶مه) یې خپره کړې ده چی د وژل شویو ۱۲۳ کسانو ډېری یې د پاخه عمر کسان وو. له دې دوو کسانو پرته نور ټول په خپلو کورونو کې مړه شوي. د جولای په میاشت کې، روغتیایی بنسټونو او د جاپان د هوا پیژندنې ادارې خلکو ته سپارښتنه کول چې د ورځې په ګرمو ساعتونو کې په کور کې پاتې شي، ډیرې اوبه او مایعات وڅښي. د ایر کنډیشنر په استعمال باندې د بار بار د ټینګار دلیل دا دی چې اکثره زاړه خلک فکر کوي چې دا وسایل روغتیا ته زیان رسوي او نه یې کاروي.