صهیونیسټي رژیم په یوه لیونی او خطرناک اقدام کښې یو داسې جنایت ترسره کړ چې د دغه جعلی حکومت د ترهګرو هویت او د نړیوالو قوانینو نه مراعات یې نور هم څرګند کړ. د حماس د سیاسي دفتر مشر اسماعیل هنیه چې د ایران د ولسمشر په بلنه د ایران د ولسمشر د لوړې په مراسمو کې د ګډون لپاره تهران ته راغلی و، د اسرائیلو په برید کې په نښه شو او شهید شو. د ايران د اسلامي جمهوريت په خاوره کښې د يو لوړ رتبه فلسطيني چارواکي د وژلو کوشش يو داسې جنايت دی چې ډيرې پايلې به ولري. که څه هم تر اوسه اسرايلو په رسمي ډول د دې وژنې مسووليت پر غاړه نه دى اخيستى، خو د دغه ظالم رژيم ريکارډ او شته شواهد هم تاييدوي چی دا کار په ښکاره توګه د صهیونیسټانو لخوا ترسره شو. اسراییل د غصب، وژنې او بې قانونۍ پر بنسټ جوړ شوی او تل یې د ژوندي پاتې کیدو لپاره خپل وحشت ښودلی دی. صهیونیسټانو له هماغه پیله د فلسطینیانو شکنجه کول او بندیان کول پیل کړل او د وحشت او وژلو په پیلولو سره یې د نړۍ په ترټولو ستر ترهګر هیواد بدل کړ. د صهیونیسټانو د وژلو هڅه یوازې په فلسطین او لبنان پورې محدوده نه ده او د نړۍ په نورو سیمو کښې هم دغه جنایت ترسره کوي چې د نړیوالو قوانینو خلاف کار دی. په دې وروستیو کې اسرائیلو په سوریه کې د ایران قونسلګرۍ په نښه کړه چې له امله یې د دغه هېواد څو پوځي قوماندانان ووژل شول. د ایران د اسلامی جمهوریت په پلازمینه کښې د شهید اسماعیل هنیه په وژلې سره اسرائیلو په عملی توګه د مقاومت د محور او په تېره بیا د ایران په خلاف هر اړخیزه جګړه پیل کړې ده چې پایلې به یې ډېرې جدی او خطرناکې وی. د فلسطین غاصبین چې خپل ژوند ته د تباهۍ او زوال په سترګه ګوري، د خپلې تباهۍ د مخنیوي لپاره هر څه کوي، خو نه پوهیږي چې د داسې جنایتونو په ترسره کولو او د نړیوالو قوانینو په تر پښو لاندې کولو سره خپل د ماتې او تباهۍ اسانتیاوې برابروي. اوس صهیونیسټانو ته د ځواب ویلو لپاره د مقاومت د جبهې او په تیره بیا د ایران د اسلامي جمهوریت هوډ له بل هر وخت نه زیات شوی دی او اسرائیل په ویره او وحشت سره په مرګوني چوپتیا کښې ژوند کوي. مسلمانان او د نړۍ ازاد خلک باید د اسرائیلو په وړاندې د هر اړخیزې مبارزې لپاره ځانونه چمتو کړي چې که چوپتیا او بې پروايي وکړي، صهیونیسټان به اسلامي خاورې د مسلمانانو د وژنې په ډګر بدلې کړي.