د معمار پرس د خبر له مخې، په ننګرهار ولایت کې سرچینې دا خبره کوي چی په دغه ولایت کې د وروستي طوفان او سیلابونو د قربانیانو شمېر ۱۳۰ ته رسېدلی او لږ تر لږه ۴۱۰ نور ټپیان شوي دي. ننګرهار ولایت د دوشنبې په ورځ د طوفان او سیلاب شاهد و. له دې طبيعي ناورين دوه ورځې وروسته د سېلاب او طوفان ځپلي کورنۍ وايي، چې لا هم په دغه ولايت کې وضعيت عادي حالت ته نه دى راغلى او خلک په وېره کې ژوند کوي. طالبانو تر دې مخکې اعلان کړی و، چې د سه شنبې تر ماښامه پورې یوازې په ننګرهار کې تر ۴۷ ډېر کسان وژل شوي او ۳۵۰ نور ټپیان شوي دي. ملګرو ملتونو تر دې مخکې اعلان کړی و چې په افغانستان کې سیلابونو تر ټولو زیات زیان ښځو او ماشومانو ته اړولی دی.