د معمار پرس د خبر له مخې: د ازبکستان سفیر خواجه یادګار شادمانوف د طالبانو د لوړو زده کړو وزارت له سرپرست ندا محمد ندیم سره وکتل او د لوړو زده کړو په برخه کې د همکاریو په ګډون یې پر بېلابېلو مسایلو خبرې وکړې.

ښاغلي ندیم په دې کتنه کې وویل چې ازبکستان د افغانستان د لوړو زده کړو په برخه کې صادقانه همکاري کوي.

که څه ازبکستان د نورو هېوادونو په څېر د طالبانو حکومت په رسمیت نه پېژني، خو له هغه راهیسې چې دغې ډلې په افغانستان کې واک تر لاسه کړی، له کابل سره یې نسبتا تودې اړیکې لري.