معمار پرس د خبر له مخې؛ د طالبانو د بهرنیو چارو وزارت د ویاند مرستیال حافظ ضیا احمد نن پنجشنبه (د سرطان ۲۱مه) وویل چی امیرخان متقي وویل، دا ډله هڅه کوي چې د ټاپي پروژې پاتې ستونزې هوارې او په افغانستان کې خپل عملي کار پیل کړي. په دې کتنه کې دواړو لورو د هرات ولايت د تورغونډۍ او نورالجهاد سب سټېشن د ظرفيتونو د زياتولو په باب هم خبرې وکړې. متقي زياته کړه، اړوندې ادارې د تورغونډۍ په بندر کې د اورګاډي د پټلۍ پر جوړولو هم کار کوي او په نږدې راتلونکي کې به ترکمنستان ته خبر ورکړي.