د معمار پرس د خبر له مخې: د افغانستان په چارو کې د پاکستان ځانګړي استازي اصف دراني په خپله ایکس پاڼه لیکلي چې دغه بورسونه د دغه هېواد په بېلابېلو پوهنتونونو کې د ټولنیزو او طبیعي علومو په برخو کې د علامه اقبال تر نامه لاندې افغان محصلینو ته ورکول کېږي. ښاغلي دراني زیاته کړه چې دا په پنځو کلونو کې د افغانستان لپاره د پاکستاني بورسونو دریمه دوره ده. د راپورونو له مخې د دغو سکالرشیپونو په لومړي او دویم پړاو کې څه باندې شپږ زره افغان محصلین د پاکستان په پوهنتونونو کې شامل شوي دي.