د پاکستان د بهرنیو چارو پخوانی وزیر وايي، د دغه هېواد او افغانستان تر منځ ستونزې یوازې په ناستو نه شي حل کېدای.
د معمار پرس د خبر له مخې: د پاکستان د بهرنیو چارو پخوانی وزیر بلاول بوټو زرداري وايي، د اسلام اباد او کابل تر منځ ستونزې په اسانۍ نه شي حل کېدای او “ستونزې افغانستان ته په سفر یا د چایو په یوه پیاله نه شي حل کېدای.” د يادونې وړ ده، چې د طالبانو له خوا د افغانستان د بيا نيولو وروسته د کابل او اسلام اباد اړيکې خړې پړې شوې دي. پاکستاني چارواکي د طالبانو حکومت د پاکستان د تحریک طالبان په ملاتړ تورنوي او ادعا کوي چې د دغې ډلې جنګیالي په افغانستان کې خوندي پټنځایونه لري.