فیلیپو ګراندي؛ د کډوالو په چارو کې د ملګرو ملتونو عالي کمېشنرۍ د ښځو په ګډون د افغان کډوالو له استازو سره وکتل او د هغوی اندېښنې یې واورېدې. فیلیپو ګرانډي، د UNHCR مشر د دوشنبې په ورځ د سرطان په ۱۸مه پاکستان ته د خپل سفر په ترڅ کې د پاکستان د لومړي وزیر شهباز شریف په ګډون د دغه هېواد له یو شمېر چارواکو سره د اسلام اباد د پرېکړې په اړه له اسنادو پرته د پناه غوښتونکو د ایستلو په اړه خبرې وکړې. په پاکستان کې د دې ادارې ویاند قیصر افریدي اناتولی خبري اژانس ته ویلي، پاکستاني چارواکو په دغه هېواد کې د افغان کډوالو د وضعیت د هواري لپاره له نړیوالې ټولنې د لا زیاتو مرستو غوښتنه کړې ده. افریدي زیاته کړه: “د دغو غونډو په ترڅ کې، د پاکستان حکومت د کډوالو د ستونزې د حل لپاره د لا زیاتو نړیوالو مرستو پر اړتیا ټینګار وکړ، او ګراندي ومنله چې په دې برخه کې باید نور اقدامات وشي.”