په داسې حال کې چې له پاکستانه د افغان کډوالو د ایستلو بهیر یو ځل بیا زور اخیستی دی، د کډوالو په چارو کې د ملګرو ملتونو عالي کمیشنر “فیلیپو ګرانډي” د اسلام اباد له حکومتي چارواکو سره د افغان کډوالو پر ستونزو د خبرو لپاره پاکستان ته تللی دی. ښاغلی ګرانډي به په دغه درې ورځني سفر کې د پاکستان له حکومتي چارواکو او همدارنګه د افغان کډوالو له استازو سره وګوري. د دغه سفر موخه د افغان کډوالو د اخراج په اړه د اندېښنو په اړه بحث او دې ستونزې ته د حل لارې موندل دي. پاکستاني چارواکو اعلان کړی، چې د افغان کډوالو د ایستلو په دویم پړاو کې به ۸۰۰ زره کسان افغانستان ته ستانه کړي.