د معمار پرس د خبر له مخې؛ طالبانو په هرات کې د اقتصادي فعالیتونو د محدودولو د بهیر په دوام یو ځل بیا په دغه ولایت کې د تبادلې دوکانونه تړلي دي. ځايي سرچينې وايي، طالبانو د خراسان پر بازار بريد کړی او د سوداګريزو جوازونو د نه لرلو له امله يې تر ۱۵۰ زيات د تبادلې دوکانونه تړلي دي. په دې اقدام سره په هرات کې د تبادلې د تړل شويو دوکانونو ټولټال شمېر څه باندې زرو دوکانونو ته رسېږي. دا په داسې حال کې ده، چې طالبانو په دوو ورځو کې د خراسان، شیردل، کریمیار او ضیاء مارکیټونو شاوخوا ۱۰۰۰ د تبادلې دوکانونه تړلي دي.