د طالبانو حکومت په دې وروستیو کې په ۱۳ هېوادونو کې د افغانستان قونسلګرۍ خدمات باطل اعلان کړل.
د معمار پرس د خبر له مخې، د طالبانو د بهرنیو چارو وزارت ویاند ضیا احمد تکل ویلي، چې د کابل د دغه اقدام لامل له دغې ډلې سره د دغو بنسټونو د همکارۍ او تعامل نشتوالی دی. هغه زیاته کړه چې د طالبانو د بهرنیو چارو وزارت به د دغو سیاسي ادارو له خوا د خپرو شویو اسنادو پر وړاندې هیڅ اقدام ونه کړي. دا په داسې حال کې ده، چې له نږدې درې کلونو وروسته هم هېڅ هېواد یا نړیوال سازمان د طالبانو حکومت په رسمیت نه دی پېژندلی.