د معمار پرس د خبر له مخې؛ د عرب نیوز د راپور له مخې د پاکستان راډیو اعلان وکړ: خپل وطن ته د افغانانو په ګډون د ناقانونه بهرنیو اتباعو د راستنیدو لړۍ دوام لري. دغې پاکستاني رسنۍ ویلي: د وروستیو شمېرو له مخې په تېرو دوو اونیو کې څه باندې ۱۶ زره افغان کډوال بېرته خپل هېواد ته ستانه شوي دي. تر اوسه څه باندې ۶۰۰ زره کسان افغانستان ته راستانه شوي دي. د وروستیو احصایو له مخې، د اخراج د پلان له پیل مخکې څه باندې څلور میلیونه افغان کډوال په پاکستان کې مېشت وو، چې د پاکستان د حکومت د شمېرو له مخې شاوخوا یو میلیون او ۷۰۰ زره یې قانوني اسناد نه لري.